無綫《超級巨聲》由百人初選到入30強,一直強調公平、公正,唔唱得冇得留低。不過原來講一套做一套。
週日(2日)《超級巨聲》參賽者16歲何雁詩,個樣甜甜哋把聲唱得,當晚唱一曲〈On My Own〉技驚四座攞成17分(20分為滿分),俾評判側田和古巨基讚爆,原來高分背後,朝中有人好幫手「辦事」。
本刊得悉何雁詩係評判之一伍樂城的高徒,曾幫其「伯樂音樂學院」拍宣傳片,二人關係非淺。力薦愛徒入局,真係黑幕喎!
播咗3集,週日《超級巨聲》收視平均收24點,比前集跌2點。當晚要數最出位、16歲何雁詩憑一首〈On My Own〉靚聲搶咪,不過原來佢係評判之一伍樂城學生。「Stephanie(何雁詩)跟伍樂城學咗年幾唱歌,伍樂城咁多學生最錫佢,一早叫佢參加《巨聲》啦!有人幫手,加上佢唱得唔差,幾乎內定實入到圍!」知情者說。
何雁詩唔只唱得,家境亦有米,在其後台訪都自爆:「爸爸鍾意我打golf,多過唱歌……」玩得golf非富則貴,據知何雁詩每次錄影都有司機接送。
第二集劉美君差啲爆粗,「我小邊個都得」,當然引來網友喪插。
轉貼--超級巨聲造馬,評判伍樂城薦愛徒入局
無綫《超級巨聲》由百人初選到入30強,一直強調公平、公正,唔唱得冇得留低。不過原來講一套做一套。
週日(2日)《超級巨聲》參賽者16歲何雁詩,個樣甜甜哋把聲唱得,當晚唱一曲〈On My Own〉技驚四座攞成17分(20分為滿分),俾評判側田和古巨基讚爆,原來高分背後,朝中有人好幫手「辦事」。
本刊得悉何雁詩係評判之一伍樂城的高徒,曾幫其「伯樂音樂學院」拍宣傳片,二人關係非淺。力薦愛徒入局,真係黑幕喎!
播咗3集,週日《超級巨聲》收視平均收24點,比前集跌2點。當晚要數最出位、16歲何雁詩憑一首〈On My Own〉靚聲搶咪,不過原來佢係評判之一伍樂城學生。「Stephanie(何雁詩)跟伍樂城學咗年幾唱歌,伍樂城咁多學生最錫佢,一早叫佢參加《巨聲》啦!有人幫手,加上佢唱得唔差,幾乎內定實入到圍!」知情者說。
何雁詩唔只唱得,家境亦有米,在其後台訪都自爆:「爸爸鍾意我打golf,多過唱歌……」玩得golf非富則貴,據知何雁詩每次錄影都有司機接送。