好唔容易終於叫做送走咗大半個夏天，行出街有D涼風吹吓真係人都開心D。喺太古坊返工嘅我仲可以去港島東中心露天廣場「滙圃」歎個lunch哂吓太陽添，不過嚟緊應該要早D去霸位，仲要係頭位嗰隻，事關由10月11日起一連10個星期四嘅下午一點，太古地產又會喺「滙圃」搞Music@Via Fiori午間音樂表演。我上年睇過，表演單位夠特別，人人一邊食LUNCH一邊聽音樂個氣氛都幾正。今年除咗本地嘅表演單位外，仲邀請咗台灣音樂人。10月嘅3場表演就有兄妹檔組合來吧！焙焙！、才華洋溢嘅黃靖同新派爵士樂創作歌手Shandy Gan。如果你都鍾意聽D自家創作，就記住唔好錯過，一齊喺lunchtime享受吓quality of life ﹗等我即刻去http://www.islandeast.com  mark低埋11同12月嘅表演詳情先。

Schedule好似有改動喎, 黃靖上星期表演咗喇, 台灣嘅來吧﹗焙焙﹗今個星期先唱!

十分期待11月的午間音樂表演呀~
有孔奕佳, Hi – Tone, 岑寧兒, 湯駿業同a cappella組合 Charatay!!!

你地都唔好錯過，記住逢星期四去港島東中心的露天廣場「滙圃」霸位，一邊食LUNCH一邊聽音樂啦!

話咁快就剩番最後兩場喇，啱啱check咗聽日會有台灣樂團丁丁與西西表演，而下個星期13號就有作曲人賴映彤加C AllStar﹗聽講話大會仲準備咗d節日驚喜俾大家。可以喺戶外一邊聽音樂一邊食lunch，仲有驚喜添~ 等我都唔執輸，呢兩個星期四去港島東中心的露天廣場「滙圃」霸位先。